Salve, Regina misericordiae,
vitae dulcedo, et spes nostra, salve.
Ad te clamamus, exsules filii Evae,
ad te suspiramus, gementes et flentes
in hac lacrimarum valle.
Eia ergo, advocata nostra, illos tuos
misericordes oculos ad nos converte.
Et Jesum, benedictum fructum ventris tui,
nobis, post hoc exilium, ostende.
O clemens, O pia, O dulcis Virgo Maria.
Alpha et omega misit de superis gloriosum misris,
cum Gabriel a summa gerarchia paranimphus
dicit in armonia: Ave Virgo Maria.
O clemens, o pia, o dulcis Maria.
O pastores pro Deo surgite,
quid vidistis de Christo dicite.
Reges Tharsis de stella visione
sint testes in apparitone:
Ave Virgo Maria.
O clemens, o pia, o dulcis Maria.
Fons Humilis, aquarum puteus,
rosa mundi, splendor sydereus,
amigdalus Aaron fructuosa,
precantibus esto lux gloriosa,
Ave Virgo Maria!